धनुषा । मधेश प्रदेशका मुख्यमन्त्री सरोजकुमार यादवले आज चौथो पटक विश्वासको मत लिँदै छन् ।
सत्ता गठबन्धनबाट बाहिरिएको नेपाली कांग्रेसले प्रदेश सरकारलाई दिएको समर्थन फिर्ता लिएपछि मुख्यमन्त्री यादवले पुनः विश्वासको मत लिन लागेका हुन् ।
मुख्यमन्त्री यादवले विश्वासको मत लिनकै लागि आज प्रदेशसभाको बैठक बोलाइएको छ । सरकारको नेतृत्व गरिरहेको जनता समाजवादी पार्टी, नेकपा एमाले, माओवादी केन्द्र, नेकपा एकीकृत समाजवादी र लोकतान्त्रिक समाजवादी पार्टीसँग स्पष्ट बहुमत रहेको छ ।
१ सय ७ सदस्यीय प्रदेश सभामा बहुमतका लागि ५४ सदस्यको समर्थन चाहिन्छ । एक प्रदेशसभा सदस्य भने फरारको सूचीमा छन् । कांग्रेस र जनमत पार्टी भने अहिले प्रतिपक्षमा छन् ।
