मोरङ । रंगेली नगरपालिकाका जेष्ठनागरिक, एकल महिला, अपाङ्गता भएका व्यक्तिलाई सामाजिक सुरक्षा भत्ता लिन सास्ती खेप्नु परेको छ । राष्ट्रिय वाणिज्य बैंकबाट प्रदान गरिने सामाजिक सुरक्षा बापतको रकम पाउन ज्येष्ठ नागरिकहरु चर्को घाममा लाइन बस्नुपर्ने अवस्था छ । भत्ता लिन जानेहरु बिहानैदेखि बैंकमा पुगे पनि भीडका कारण समयमै भत्ता नपाउँदा हैरान बनेका छन् ।
राष्ट्रिय वाणिज्य बैंकले भत्ता रकम सजदै दिन नसक्दा निकै दुःख पाएको स्थानीय सीतादेवी श्रेष्ठले बताउनु भयो । सरकारले सामाजिक सुरक्षा कार्यक्रम अन्तर्गत भत्ता रकम उपलब्ध गराउँदै आए पनि सहज व्यवस्थापन गर्न नस्कदा भत्ता लिनेहरुले सधैं कठिनाइ भोग्नु परिरहेको छ ।
