काठमाडौं । फागुन शुक्ल पूर्णिमाको दिन सोमबार काठमाडौंको हनुमानढोका दरबार क्षेत्रसहित देशका पहाडी र हिमाली क्षेत्रमा होली पर्व मनाइएको छ ।
बसन्तपुरमा विभिन्न देशका पर्यटकहरूले स्थानीयसँग मिलेर आपसमा रंग दलेर होली पर्व मनाएका छन् । फागुन २१ गते निर्वाचन परेकाले अघिल्लो वर्षहरूमा जस्तो रौनक नदेखिए पनि वसन्तपुरमा बिहानैदेखि होली खेलिरहेका छन् । यहाँ एकअर्कामा रङ लगाइ सद्भाव, सम्मान र मायाका साथ होली खेल्ने परम्परा रहीआएको छ ।
