काठमाडौं । नेपाली कांग्रेसको विशेष महाधिवेशनका लागि काठमाडौंका विभिन्न ६ स्थानबाट जुलुस महाधिवेशन स्थल भृकुटीमण्डप पुग्ने तयारी छ ।
त्यसका लागि काठमाडौं उपत्यकामा भेला हुन ६ वटा स्थान तोकिएको छ । २७ र २८ गते हुने भनिएको विशेष महाधिवेशनका लागि जनपरिचालन तथा जुलुस व्यवस्थापन समितिले काठमाडौंको सुन्धारा, रत्नपार्क, पद्मकन्या क्याम्पस, पद्मोदय-शंकरदेव क्याम्पस, कमलपोखरी र कुपण्डोललाई भेला हुने स्थानका रूपमा तोकेको हो ।
माथि उल्लेखित स्थानमा भेला भएर महाधिवेशन स्थल भृकुटीमण्डप पुग्नसकिने समितिले जनाएको छ । २७ पुस आइतबारको मध्याह्न १२ बजे भृकुटीमण्डपमा उद्घाटन समारोह सुरू हुनेछ । त्यसका लागि भृकुटीमण्डम सजाउने काम भइरहेको छ ।
