काठमाडौं । नेकपा (एमाले)की नेतृ रामकुमारी झाँक्रीले केपी शर्मा ओलीको संरक्षण गर्नु सिंगो पार्टी पंक्तिको प्रमुख दायित्व भएको बताउनुभएको छ ।
सोमबार पार्टी महाधिवेशन स्थल भृकुटीमण्डपमा सञ्चारकर्मीमाझ संक्षिप्त प्रतिक्रिया दिँदै उहाँले सो टिप्पणी गर्नुभएको हो । ओलीमाथि देशी, विदेशी अदृश्य शक्तिहरूले आक्रमण गरिरहेकाले एमालेले नेता, कार्यकर्ता पंक्तिले उहाँको संरक्षण गर्नु दायित्व भएको नेतृ झाँक्रीको भनाइ थियो । उहाँले जेन-जी आन्दोलनको नाममा आगो लगाउँदै हिँड्नेहरूको पक्ष लिन नसकिने पनि स्पष्ट पार्नुभयो ।
नेतृ झाक्रीले नेतृत्व चयन गर्ने भएकाले महाधिवेशनमा नेतृत्वको लागि हुने प्रतिस्पर्धालाई स्वभाविक रूपमा लिनुपर्ने समेत बताउनु भयो ।
