काठमाडौं । पोखराको पर्यटन क्षेत्र र आर्थिक समृद्धिको विषयलाई केन्द्रमा राखेर कान्तिपुर मिडिया ग्रुपले ‘गन्तव्य गण्डकी’ आयोजना गर्दै छ । बिहान १० बजेबाट सुरू हुने कार्यक्रममा आज दिनभरमा चार सत्रमा छलफल हुनेछन् ।
पहिलो सत्रमा ‘राजनीति र पर्यटन नीति’, दोस्रो सत्रमा ‘साहसिक यात्रा, स्वप्निल गन्तव्य’, तेस्रो सत्रमा ‘मूल सरोकार : शिक्षा, स्वास्थ्य र रोजगार’ तथा चौथो सत्रमा ‘संघीयता : भार कि अधिकार ?’ शीर्षकमा प्यानल छलफल हुनेछन् ।
कार्यक्रमको प्रत्यक्ष प्रसारण ईकान्तिपुर डटकम तथा कान्तिपुर टेलिभिजनको युट्युब च्यानलमार्फत हुनेछ ।
