काठमाडौं । कान्तिपुर टेलिभिजनका धादिङ संवाददाता पोषनाथ अधिकारी सम्मानित हुनुभएको छ ।
सामाजिक सेवा तथा मानवसेवामा योगदान पुर्याएको भन्दै उहाँलाई धादिङको ज्वालामुखी गाउँपालिकाले सम्मान गरेको हो ।
अधिकारीले ज्वालामुखी गाउँपालिकामा शारीरिक रूपमा अशक्त भएकै कारण दाम्लोमा बाँधेर राखिएकाको पहिचान गरि कान्तिपुर टेलिभिजनमा समाचार सम्प्रेषण गरी उद्धार र उपचारमा महत्त्वपूर्ण भूमिका निर्वाह गर्नुभएको थियो ।
साथै नागरिकको सूचना पाउने हक सरकारको काम कर्तव्यमा खबरदारी तथा गाउँपालिकाले गरेको सेवा प्रवाह जनस्थरमा पुर्याएको भन्दै गाउँपालिकाको चौथो हिउँदे अधिवेशनको अवसरमा उहाँलाई सम्मान गरेको अध्यक्ष यामनाथ दनैले बताउनु भयो ।
गाँउपालिकाको भवन निर्माण गर्न जग्गा दान गर्ने जग्गादाता लगायतलाई गाँउपालिका अध्यक्ष यामनाथ दनै, उपाध्यक्ष धर्मबहादुर अर्याल र प्रमुख प्रशासकीय अधिकृत नन्दबहादुर खड्काले सम्मान गर्नुभएको थियो ।
