काठमाडौं । सरकारले उच्चस्तरीय आर्थिक क्षेत्र सुधार सुझाव आयोग गठन गरेको छ । यस्तै थप ५७ वटा हिमाल आरोहणका लागि खुला गर्ने निर्णय सरकारले गरेको छ ।
मन्त्रिपरिषदको हिजो बसेको बैठकले पूर्वअर्थसचिव रामेश्वर खनालको अध्यक्षतामा पाँच सदस्यीय आयोग गठन गरेको हो ।
सदस्यमा राष्ट्रिय योजना आयोगका सदस्य प्रकाशकुमार श्रेष्ठ, त्रिभुवन विश्वविद्यालय अर्थशास्त्र केन्द्रीय विभागका प्रमुख रामप्रसाद ज्ञवाली, अर्थविद् विश्वास गौचन र नीति अनुसन्धान प्रतिष्ठानका वरिष्ठ अनुसन्धानकर्ता कल्पना खनाल रहनुभएको छ ।
आयोगले आवश्यकता अनुसार निजी क्षेत्र लगायत अर्थतन्त्रका विविध पक्षहरुसँग परामर्श समेत गर्नेछ । आयोगले कार्यविधि आफै बनाउने छ।
यसैगरी मन्त्रिपरिद बैठकले थप ५७ वटा हिमालहरु आरोहणका लागि खुला गर्ने निर्णय पनि गरेको छ।