काठमाडौं । धौलागिरी हिमाल आरोहण गर्ने क्रममा पाँच जना रुसी पर्यटक हराएका छन् ।धौलागिरी आरोहणका लागि गएका १४ जना मध्ये पाँच जनाको अवस्था यकिन हुन सकेको छैन । खोजीका लागि गएको उद्दार टोलीले हेलिकोप्टरबाट उनीहरु लडेको अवस्थामा देखेको तर प्रतिकुल मौसमका कारण अवस्था यकिन र उद्दार गर्न नसकिएको पर्यटन विभागले जनाएको छ ।पाँचैजना ७ हजार ६ मिटर नजिक लडेको अवस्थामा देखिएको पर्यटन विभागका राकेश गुरुङले कान्तिपुर समाचारलाई जानकारी दिनुभयो । उनीहरु पाँचै जना रुसका चर्चित पर्वतारोही भएको पनि उहाँले बताउनुभयो ।एकले अर्कोलाई तान्ने क्रममा खसेको हुनसक्ने विभागको अनुमान छ । बाँकी ९ जना भने फर्केर सम्पर्कमा आइसकेको विभागले जनाएको छ ।गतवर्ष पनि धौलागिरी हिमाल आरोहण गर्ने क्रममा एक जना रुसी नागरिकको ज्यान गएको थियो ।
Kantipur TV HD, the most popular TV channel in Nepal, brings Nepal to its audiences. Its programmes provide in-depth analyses about the issues of the day and reflect the people’s voice.