काठमाडौं । जिल्ला प्रशासन कार्यालय काठमाडौंले राष्ट्र, राष्ट्रियता, धर्म, संस्कृति र नागरिक बचाउ महाअभियानलाई तीनकुने क्षेत्रमा कार्यक्रम गर्न नदिइएको प्रस्ट पारेको छ ।
दुर्गा प्रसाईँ नेतृत्वको अभियानले आज तीनकुने केन्द्रित कार्यक्रम गर्ने तयारी गरेपछि प्रशासनले अनुमति नदिएको जनाएको हो ।
अभियानले अराजक र हिंसात्मक गतिविधि गर्न उक्साउने तथा हुलहुज्जत गरी निषेधित क्षेत्रतर्फ अघि बढ्ने कार्यक्रम सार्वजनिक गरेको भन्दै प्रशासनले त्यस्ता गतिविधि गर्न नदिइने पनि प्रस्ट पारेको छ ।
कानुन विपरीतका गतिविधिमा सहभागी नहुन पनि जिल्ला प्रशासन काठमाडौंले आग्रह गरेको छ ।
यसैबीच तीनकुने क्षेत्रमा प्रहरीले सतर्कता बढाएको छ । सडकमा अनावश्यक रुपमा मानिसलाई भेला हुन दिइएको छैन । प्रहरीले शंका लागेका केही व्यक्तिलाई नियन्त्रणमा लिएको छ ।
यस्तै, जिल्ला प्रशासन कार्यालय भक्तपुरले अनुमति नलिई कार्यक्रम गर्न खोजेको भन्दै ठिमीस्थित प्रसाईंको निजीनिवास बाहिर सुरक्षा व्यवस्था कडा पारेको छ ।
सम्बन्धित समाचार...
बल्खुमा झडप भएपछि... (फोटो फिचर)
बल्खुमा व्यवसायी दुर्गा प्रसाईंको विरोध प्रदर्शन (तस्बिरसहित)
