परासी । पूर्वी नवलपरासीमा रेबिजविरुद्धको भ्याक्सिन अभाव भएको छ ।
जिल्लामा मध्यविन्दु जिल्ला अस्पताल र सरकारी स्वास्थ्य सस्थामा एक हप्ता देखि भ्याक्सिन अभाव भएको जिल्ला अस्पतालका सूचना अधिकारी छविलाल सुवेदीले बताए ।
जिल्ला अस्पतालमा मात्र मासिक रुपमा करिब तीन सय डोज रेबिज विरुद्धको भ्याक्सिन खपत हुँदै आएको थियो । भ्याक्सिन अभाव भएपछि पूर्वी नवलपरासीका सेवाग्राही भ्याक्सिनका लागि चितवन जानुपर्ने बाध्यता छ ।
इपिडिमियोलोजी तथा सरुवा रोग नियन्त्रण महाशाखामार्फत प्रदेश स्वास्थ्य आपूर्ति तथा व्यवस्थापन केन्द्र हुँदै जिल्लामा आउने भ्याक्सिन प्रदेशमा समेत स्टक सकिएपछि जिल्लामा अभाव भएको हो ।