काठमाडौं । चिकित्सा शिक्षा स्नातक तहमा निश्चित समय अवधिमा परीक्षा उत्तीर्ण गरीसक्नुपर्ने अर्थात् बेरियर प्रणाली पुनरावलोकनको माग गर्दै आज (बुधबार) विद्यार्थीले प्रदर्शन गरेका छन् ।
त्रिभुवन विश्वविद्यालय चिकित्सकशास्त्र अध्ययन संस्थानका विद्यार्थीले एमबीबीएस र बीडीएसका विद्यार्थीले पहिलो वर्षमा ६ पटक र दोस्रो वर्षमा चारपटकमा परीक्षामा अनिवार्य रुपमा उत्तीर्ण हुनुपर्छ । यो व्यवस्थाले आफूहरु मारमा परेको र परीक्षा प्रणालीको पुनरावलोकनको माग गर्दै विद्यार्थीहरुले आज काठमाडौंको माइतीघर मण्डलमा प्रदर्शन गरेका हुन् ।
चिकित्साशास्त्र अध्ययन संस्थानले भने बेरियर प्रणालीका विषयमा विषय विज्ञहरुसँग सल्लाह भएको र कायमै राख्नुपर्ने सुझाव आएको जनाएको छ ।
त्यसो त विद्यार्थीले भर्ना कै क्रममा एकतिहाइ रकम क्याम्पसमा बुझाउनुपर्ने व्यवस्था छ । क्याम्पसले विद्यार्थीबाट एकमुष्ट रकम असुलेको भए फिर्ता गर्न पहल गर्ने संस्थानले जनाएको छ ।
