काठमाडौं । सभामुख देवराज घिमिरेले सांसद्हरूले संसद्मा उठाएका प्रश्नहरूको जवाफ दिन सरकारलाई रूलिङ गर्नुभएको छ ।
प्रतिनिधि सभाको मंगलबारको बैठकमा सांसद्हरूले सरकार सांसद्हरूका प्रश्नको जवाफबाट भागेको भन्दै रूलिङको माग गरेका थिए ।
बैठकमा शुन्य समय सकिसकेपछि नागरिक उन्मुक्ति र जनमत पार्टीका सांसदहरू सभामा उठेर बिरोध जनाएका थिए । बिरोधपछि सभामुख घिमिरेले सरकारको प्रतिनिधि नभइ संसद् अघि बढ्न नसक्ने र सरकारलाई जवाफदेही हुन रूलिङ गर्नुभयो । तर संसद्मा नागरिक उन्मुक्ति र जनमत पार्टीका सांसदहरूले उठेर बिरोध जनाइरहेका छन ।
