काठमाडौं । मुग्लिन-नारायणगढ खण्डमा भारतीय गाडी (बोलेरो) त्रिशूली नदीमा खसेको छ ।
काठमाडौंबाट नारायणगढतर्फ जाँदै गरेको भारतीय गाडी आज बिहान ४ बजे त्रिशूली नदीमा खसेको हो । गाडी मुग्लिन-नारायणगढ खण्डको ३ नम्बर पुलनजिकैबाट नदीमा खसेको प्रहरीले जनाएको छ ।
त्रिशूलीमा खसेको गाडी र त्यसमा रहेका यात्रुको सशस्त्र प्रहरी बलको गोताखोर टोलीले उद्धारको प्रयास गरिरहेको छ । गाडीमा कति यात्रु थिए खुल्न सकेको छैन । गाडी पूर्ण रुपमा नदीमा डुबेको छ ।
विस्तृत विवरण आउन बाँकी छ ।
