ताप्लेजुङ । नेपाल वायु सेवा निगमले करिब तीन महिनापछि काठमाडौं-ताप्लेजुङ हवाई उडान गरेको छ ।
जेठ २६ गतेपछि आज पहिलोपटक काठमाडौंबाट सात जना यात्रु लिएर आएको विमानले ताप्लेजुङबाट भने फुङलिङ नगरपालिका - ९ का राम लावुङ एक जना मात्रै यात्रु लिएर फर्किएको ताप्लेजुङका स्टेसन इञ्चार्ज सचिन तिवारीले जानकारी दिए । प्रतिकूल मौसमका कारण लामो समय यहाँ उडान हुन सकेको थिएन ।
नेपाल वायु सेवा निगमको स्टेसन इन्जार्ज सचित तिवारीले भने, ‘आजदेखि हवाई उडान सुरु भएको छ । काठमाडौंबाट सात जना यात्रु लिएर आएको जहाजले एक जना यात्रु लिएर उडेको छ ।’
सुकेटार विमानस्थलका एटीसी उदय राजवंशीका अनुसार नेपाल एयरलाइन्सले सोमबार, बिहीबार र शनिबार तथा सीता एयरले सोमबार र शनिबार गरी सातामा पाँचवटा उडान तालिका रहेको छ । यात्रु भए दुवैले अब नियमित उडान गर्ने जनाएका छन् ।
.png&w=350&height=150)
