काभ्रे । काभ्रेको पाँचखालमा रुखमा बाँधेर जलाइएको अवस्थामा एक पुरुषको शव फेला परेको छ ।
पाँचखाल- ४ फेदी र जिरोकिलोको बीच भागमा पूर्ण रूपमा जलेको अवस्थामा पुरुषको शव भेटिएको काभ्रे प्रहरीले जानकारी दिएको छ । प्रहरीका अनुसार मुख र छातीमा तारले बाँधेको र रुखमा बाँधेर जलाइएको अवस्थामा शव फेला परेको हो । शवको पहिचान भने हुन सकेको छैन ।
उक्त शव कुनै पुरुषको रहेको र उमेर २५ वर्षभन्दा कम जस्तो देखिएको प्रहरीले जनाएको छ । प्रकृति हेर्दा घटना १५/२० दिन अघिको हुन सक्ने अनुमान गरिएको छ ।
घटनास्थलमा कुकुरसहितको प्रहरीको टोलीले अनुसन्धान गर्दै गरेको काभ्रे प्रहरीका सूचना अधिकारी राजकुमार श्रेष्ठले जानकारी दिनु भयो ।