अछाम । नेकपा एकीकृत समाजवादीले अछाम १ बाट खाता खोलेको छ । अछाम क्षेत्र नं १ मा नेकपा (एकीकृत समाजवादी) का उम्मेदवार शेरबहादुर कुँवर प्रतिनिधसभा सदस्यमा निर्वाचित भएको निर्वाचन आयोगले जनाएको छ ।
उनले निकटतम प्रतिस्पर्धी नेकपा एमालेका उम्मेदवार झपटबहादुर बोहोरालाई ४ हजार ४८९ मतान्तरले पराजित गरेका हुन् । कुँवरले १९ हजार ५३४ मत ल्याएका छन् ।
बोहोरा १५ हजार ४५ मत पाएका छन् । अछाम एमाले नेता भीम रावलको गृहजिल्ला हो ।