काठमाडौं । साउदी प्रो लिगमा अल-इत्तिहादले दुई गोल उपहार पाएपछि अल-हाजेमलाई ३-२ गोल अन्तरले पराजित गरेको छ । सालेह अल-अम्रीले २१ औं मिनेटमा गोल गरेपछि इत्तिहादले अग्रता बनाएको थियो ।
खेलको ५७ औं मिनेटमा पाउलो रिकार्डोले आत्मघाती गोल गरेपछि इत्तिहादले अगता दोब्बर पार्यो । तर ६० औं मिनेटमा मोहम्मद अल-थानी र त्यसको ३ मिनेटपछि तोजेले गोल गरेपछि अल-हाजेम खेलमा फर्कियो ।
खेल सकिन केही मिनेट मात्र बाँकी रहँदा आयमेन दाहमेनले गोल गरेपछि अल-इत्तिहाद विजयी भयो । दुई आत्माघाती गोलले अल-हाजेम ३ अंक सुम्पन बाध्य भयो । जितसँगै अल इत्तिहाद २८ खेलमा ५० अंकसहित तालिकाको चौथो स्थानमा उक्लिएको छ । रिलिगेसनको खतारा रहेको अल-हाजेम १६ अंकसहित पुछारमा छ ।