काठमाडौं । राष्ट्रिय स्वतन्त्र पार्टीकी सांसद सोविता गौतमले चैत १५ गते राजावादी समूहले कान्तिपुर टेलिभिजनमा गरेको तोडफोड लोकतन्त्र र प्रेस स्वतन्त्रतामाथिको आक्रमण भएको बताउनुभएको छ ।
राजावादी समूहले कान्तिपुर टेलिभिजनको कार्यालयमा गरेको ढुंगामुढा र तोडफोडको निरीक्षण गर्न आउनुभएकी सांसद गौतमले दोषीलाई तत्काल कारबाही गर्न सरकारलाई आग्रह गर्नुभयो । उहाँले लोकतन्त्रका लागि कान्तिपुर मिडिया ग्रुपले निर्वाह गरेको भूमिकाको प्रशंसा गर्नुभयो ।
सांसद गौतमले आगामी दिनमा यस्ता घटना हुन नदिन सरकारले विशेष ध्यान दिनुपर्नेसमेत बताउनुभयो ।
