संखुवासभा । सरकारले जग्गाको वर्गीकरण खुकुलो पारेपछि संखुवासभामा जग्गा कारोबार बढेको छ । यस आर्थिक वर्षको ९ महिनामा मालपोत कार्यालय खाँदबारीमा १ हजार ६ सय ६१ लिखत पास भएका छन् ।
गत आर्थिक वर्षमा कारोबार संख्या १ हजार ४ सय मात्रै रहेको मालपोत कार्यालयले जनाएको छ । अघिल्लो २ वर्षको तथ्यांक अनुसार कारोबार बढ्दो क्रममा देखिएको हो । ९ महिनाको अवधिमा मालपोतले राजश्व बापत करिब १ करोड ९० लाख रुपैयाँ संकलन गरेको मालपोत कार्यालयका प्रमुख चेतनाथ पराजुलीले जानकारी दिनुभयो ।