काठमाडौं । राष्ट्रिय सभा अध्यक्ष नारायणप्रसाद दाहालले सीमान्तकृत वर्ग र समुदायको अधिकार संरक्षणका लागि कानुन निर्माणमा उनीहरुको सहभागिता सुनिश्चित गर्नुपर्ने बताउनुभएको छ ।
१६ औं मानव अधिकार राष्ट्रिय महाभेलाको काठमाडौंमा उद्घाटन गर्दै राष्ट्रिय सभा अध्यक्ष दाहालले मानवअधिकार संरक्षणमा सबै संवेदनशील बन्नुपर्ने बताउनुभयो ।
राष्ट्रिय मानव अधिकार आयोग, नागरिक समाज र विभिन्न गैरसरकारी संघ/संस्थाहरुको सहकार्यमा ७६ औ विश्व मानव अधिकार दिवसको सन्दर्भमा महाभेला चलिरहेको छ । ‘सामाजिक, आर्थिक तथा बातावरणीय न्यायको आधारः सिमान्तकृत समुदायको मानवअधिकार’ भन्ने नारा सहितको महाभेला सात दिनसम्म चल्नेछ ।
