काठमाडौं । काठमाडौंबाट गोरखा जाँदै गरेको बा २ ज ४१९६ नम्बरको ट्याक्सी आज विहान त्रिशूली नदीमा खसेको छ । पृथ्वी राजमार्गअन्तर्गत चितवनको मुग्लिनको सिमलधारा छेउबाट ट्याक्सी त्रिशूली नदीमा खसेको प्रहरीले बताएको छ ।
ट्याक्सीमा ५ जना सवार रहेका थिए । ५ यात्रुमध्ये एक जनालाई नदी छेउबाट उद्दार गरिए पनि ४ जनाको खोजी भइरहेको प्रहरीले बताएको छ । ट्याक्सी पूरै नदीमा खसेका कारण उद्दारमा कठिनाइ भइरहेको प्रहरीको भनाइ छ ।
