काठमाडौं । काठमाडौं महानगरपालिकाको नगर प्रहरी बलले भोटाहिटीस्थित आरके मिठाई पसलमा ताल्चा लगाएको छ ।
महानगरले पहिलेनै बन्द गराएको उक्त मिठाई पसल त्यसका धनीले अटेर गरेको भन्दै ताल्चा लगाइएको हो । महानगरका अनुसार नक्सामा उक्त मिठाइ पसल रहेको ठाँउ गोदाम भनिएको छ ।
केहि दिन पहिले नै नगर प्रहरीले सो पसल बन्द गराएको भएपनि अटेरी गरी पुनः संचालन गरेको हुनाले जनप्रतिनिधिको रोहवरमा मंगलबार ताल्चा लगाइएको हो । पसलमा ताल्चा लगाइएपछि विवाद उत्पन्न भएको थियो ।