उदयपुर । गणनाको क्रममा मतपत्र बढी फेला परेपछि उत्पन्न विवादका कारण रोकिएको उदयपुरको मतगणना अझै सुरु हुन सकेको छैन।
निर्वााचन क्षेत्र नं. १ को प्रतिनिधिसभाको मतपत्र गन्ने क्रममा १०७ वटा मतपत्र प्रदेशसभाको फेला परेपछि उत्पन्न विवादका कारण आइतबार दिनभर रोकिएको थियो ।
मुख्य निर्वाचन अधिकृतको कार्यालयले सर्वदलीय छलफल गरी गणना अघि बढाउन खोजेपनि सहमति जुट्न सकेको छैन ।
नेकपा एमालेलगायत विभिन्न १५ जना उम्मेदवार तथा प्रतिनिधिहरुले धाँधली भएको भन्दै पुनः मतदानको माग गरेका छन् । उनीहरुले निवेदन नै पेस गरेका छन् । नेपाली कांग्रेसले भने गणना हुनुपर्ने माग राखेको छ ।
उत्पन्न विवादबारे निर्वाचन आयोगलाई पत्र लेखी पठाउने र आएको आदेश तथा निर्देशन बमोजिम अगाडि बढ्ने गरी मुख्य निर्वाचन अधिकृतले प्रक्रिया अघि बढाएको जानकारी दिइएको छ ।
फाइल तस्बिर