नयाँ सत्ता गठबन्धन बनेसँगै त्यसको भविष्यलाई लिएर प्रमुख प्रतिपक्ष कांग्रेससहितका विपक्षी दलले एकातिर दिनगन्ती थालिसकेका छन् । अर्कोतर्फ सत्ताको गोलचक्करमा फेरि पनि संसद् नै हतियार बन्न थालेको छ । भरखरै प्रमुख प्रतिपक्षमा पुगेको कांग्रेसले सहकारी ठगीका आरोपित रवि लामिछानेलाई गृहमन्त्री बनाइएको भन्दै संसद् गर्माएको छ । हिजो प्रतिपक्षीमा हुँदा नेकपा एमाले, राष्ट्रिय स्वतन्त्र पार्टीले उठाएको प्रश्नले आज उनीहरुसँगै जवाफ खोजिरहेको छ ।
पटक-पटक प्रधानमन्त्रीको जवाफ माग्ने र सभामुखमार्फत रुलिङ गराउने एमाले र रास्वपालाई अहिले उतिबेला उठाएका आफ्नै प्रश्नका जवाफ चाहिएको छैन । सत्तामा हुँदा यिनै विषयमा चुइँक्क नबोल्ने कांग्रेसले अहिले तिनै प्रश्न बोकेर सदन तताउन थालेको छ । कांग्रेसले सहकारी गठीमा मुछिएका गृहमन्त्री रवि लामिछानेको राजीनामा नै मागिरहेको छ ।
टेरामक्स खरिद प्रकरणमा अख्तियारले अनुसन्धान गरेका मोहनबहादुर बस्नेतदेखि बालकुमारी घटनामा दोषी देखिएका प्रकाश ज्वालासम्मका विषयमा कांग्रेस चुप बसेर प्रधानमन्त्री पुष्पकमल दाहाल र गृहमन्त्री लामिछानेलाई निशाना बनाउनु पनि राजनीतिक दाउपेच मात्रै हो ।
आजको सरोकार, संसद्मा सत्तापक्ष र कांग्रेसबीच चलेको इगो राजनीतिमा केन्द्रित छ । सत्तामा हुँदा मौन प्रतिपक्षीमा हुँदा किन चर्को विरोध ? प्रधानमन्त्रीको प्रस्ताव गरेको भनिएका रविलाई गृहमन्त्रीका रुपमा कांग्रेसको विरोध किन ? बालकुमारी घटनाका दोषिमाथि कारबाही खोइ ? विवादित मन्त्री हटे पनि कारबाही हुनु पर्दैन ? सहकारीपीडितको न्याय कहाँ हरायो ? रुसी सेनाबाट नेपालीको फिर्ता र हमासबाट विपिन जोशीको रिहाइमा किन बोल्दैनन् दलहरु ? के नयाँ गठबन्धनको पनि दिनगन्ती सुरु भएको हो ? सरोकारको आजको अंक यही विषयमा केन्द्रित रहनेछ ।
आजको सरोकारमा प्रस्तुत छ नेपाली कांग्रेसका सहमहामन्त्री बद्री पाण्डे, नेकपा एमालेका सचिव योगेश भट्टराई र संविधानविद् विपिन अधिकारीसँगको बहस :
विस्तृत भिडियोमा :
