काठमाडौं । गाजाका दक्षिणी सहर रफाहमा इजरायलले पछिल्लो २४ घण्टामा ५० स्थानमा गरेको हवाई आक्रमणमा करिब ८० जना प्यालेस्टाइनीको मृत्यु भएको छ । त्यसक्रममा एक आवासीय घरमा समेत इजरायलले हवाई हमला गरेको अन्तराष्ट्रिय सञ्चारमाध्यमले जनाएको छ ।
जसमा कम्तीमा तीन प्यालेस्टाइनीको मृत्यु भएको जनाइएको छ । उक्त आक्रमणमा थुप्रै व्यक्ति घाइते भएका छन् । इजरायली लडाकु विमानले जमाल परिवारको घरलाई निशाना बनाएर आक्रमण गरेको अन्तर्राष्ट्रिय सञ्चारमाध्यमले जनाएका छन् । १५ लाखभन्दा बढी प्यालेस्टिनीहरू हाल रफाहमा शरण परिरहेका छन् ।
इजरायलले उक्त क्षेत्रमा निरन्तर भूमि आक्रमण गरिरहेको छ । अमेरिकी र पश्चिमा दबाबलाई बेवास्ता गर्दै इजरायलले आक्रमणलाई तिव्रता दिएको छ । अमेरिकाले भने उक्त क्षेत्रमा भइरहेको आक्रमणका विषयलाई लिएर पटक-पटक आपत्ति जनाइसकेको छ ।
.png&w=400&height=300)
