भक्तपुर । इतिहासविद् प्राध्यापक डाक्टर पुरुषोत्तमलोचन श्रेष्ठको ‘अन्तरङ्गका तरंगहरू’ नामक पुस्तक विमोचन भएको छ ।
भक्तपुरमा आयोजित एक औपचारिक कार्यक्रमका बीच हिजो पुस्तकको विमोचन गरिएको हो । पुस्तकको विमोचन नेपाल मजदुर किसान पार्टीका अध्यक्ष नारायणमान बिजुक्छेले गरेका हुन् ।
लेखकले ४० वर्ष देखि इतिहासको अध्ययन र खोज पछि ‘अन्तरङ्गका तरंगहरू’ तयार भएको बताए । यो पुस्तक भक्तपुरको इतिहास, चाडपर्व, कला संस्कृति र समग्र उपत्यकाभित्रको लिच्छविकालीन तथा मल्लकालीन समयका जीवनशैली तथा नेवार सभ्यताको अध्ययन तथा अनुसन्धान गर्न चाहनेहरूका लागि उपयोगी हुने कार्यक्रममा सहभागी समालोचकहरुले बताएका छन् ।
पुस्तकमा पूर्वमा मेचीदेखि पश्चिम महाकालीसम्मका इतिहासका तथ्यहरूसमेत समावेश छन् ।
पुस्तकको मूल्य भने पाँच हजार रुपैयाँ राखिएको छ ।