काठमाडौं । लेखक काङमाङ नरेश राईको गैरआख्यान ‘पानी पतिया’ बजारमा आएको छ ।
आज काठमाडौंस्थित मण्डला नाटकघरमा एक कार्यक्रम आयोजना गरी पुस्तक लोकार्पण गरिएको हो । पुस्तकको लोकार्पण मानुषी यमी भट्टराई, भोगिराज चाम्लिङ, प्राध्यापक तथा समीक्षक गुरुङ शुसान्तसहित लेखक राईले गर्नुभएको हो ।
लाहुरे समुदायले गोर्खा भर्तीका क्रममा भोग्नु परेको विभेद र अन्याय ‘पानी पतिया’को मूल विषय हो । भर्ती लागेका आदिवासी जनजातिको धर्म, संस्कार र संस्कृतिमाथि लादिएको हिन्दुकरण र पानी पतियाजस्तो सांस्कृतिक विभेदजन्य इतिहासमाथि काङमाङले प्रश्न गर्नु भएको छ ।
युद्ध साहित्यलाई आफ्नो ‘ब्रान्ड’ बनाउनु भएका लेखक राई अवकाशप्राप्त बेलायती गोर्खा सेना हुनुहुन्छ । फोनिक्स बुकस्ले प्रकाशन गरेको ‘पानी पतिया’को मूल्य ४ सय ९९ राखिएको छ ।