काठमाडौं । नेपाल ए र आयरल्यान्ड उल्भ्सबीचको आजको टी-ट्वेन्टी खेलमा कमल सिंह ऐरीले उल्भ्सको पहिलो विकेट लिएका छन् । पहिलो ओभर बलिङ गर्न आएका ऐरीले दोस्रो बलमा आयरल्यान्डका रस आदिरको विकेट लिएका थिए । अहिले तेस्रो ओभरको समाप्तिमा आयरल्यान्डले १ विकेट गुमाएर २४ रन बनाएको छ ।
नेपाल ए र आयरल्यान्ड उल्भ्सबीचको टी-ट्वेन्टी सिरिजको आजको खेलमा नेपालले टस जितेर पहिले फिल्डिङ गर्ने निर्णय गरेको थियो । । खेल त्रिवि अन्तर्राष्ट्रिय क्रिकेट मैदानमा भइरहेको छ ।
नेपालको ए टोलीमा कप्तान विनोद भण्डारीको नेतृत्वमा लोकेश बम, देव खनाल, पवन सर्राफ, किरण ठगुन्ना, आरिफ शेख, अर्जुन घर्ती, नारायण जोशी, बसिर अहमद, राशिद खान, सागर ढकाल, विपिन खत्री, कमल सिंह ऐरी, हेमन्त धामी र विकास आग्री छन् ।
आजको खेलमा पवन सर्राफ, नारायण जोशी, विपिन खत्री र विकाश आग्री बेञ्चमा छन् । नेपाल ‘ए’ले आयरल्यान्ड उल्भ्ससँग आज (शुक्रबार), शनिबार र सोमबार गरी तीन टी-ट्वेन्टी खेल खेल्ने छ । त्यसपछि नेपाल ‘ए’ले उल्भ्ससँग तीन एकदिवसीय खेल खेल्ने तालिका छ । एकदिवसीय शृंखला बुधबारबाट सुरु हुनेछ ।यस अघि नेपालको सिनियर टोलीले उल्भ्ससँगको दुवै टी-ट्वेन्टी खेल जितेको थियो ।