रोल्पा । नेपाली कम्युनिस्ट पार्टीका उम्मेदवार वर्षमान पुनले रोल्पामा अग्रता कायमै राख्नुभएको छ।
एउटामात्र निर्वाचन क्षेत्र रहेको रोल्पामा पुनले नेकपा माओवादी उम्मेदवार चुडामणी वली भन्दा ९ सय १२ मत अन्तरले अगाडि हुनुहुन्छ ।
अहिलेसम्म ३ हजार २ सय ४२ मत गणना हुँदा पुनले १ हजार ४ सय ७६ पाउनु भएको छ । उहाँलाई पछ्याइरहेका नेकपा माओवादीका उम्मेदवार चुडामणी वलिले ५ सय ६४ मत पाउनुभएको छ ।
त्यस्तै एमाले उम्मेदवार गोकुलप्रसाद घर्तीले ४ सय ३०, कांग्रेसका उम्मेदवार डा. सुदनकुमार वलिले ४०८, रास्वपाका उम्मेदवार बालराम थापाले १ सय ५४ मत पाउनु भएको छ ।
त्यस्तै मंगोल नेशनल अर्गनाइजेसनका उम्मेदवार कुमार घर्तीमगरले ४२, राष्ट्रिय जनमोर्चाका उम्मेदवार मेखबहादुर विष्ट २५, नेशनल रिपब्लिक नेपालका उम्मेदवार मनबहादुर घर्तीमगर १८, राप्रपाका उम्मेदवार अमरबहादुर थापाले १२ र आम जनता पार्टीका उम्मेदवार दिलबहादुर कामीले ९ मत प्राप्त गर्नुभएको छ। अहिलेसम्म १ सय ४ मत बदर भएको मुख्य निर्वाचन अधिकृतको कार्यालयले जनाएको छ।
