काठमाडौं । सरकारले आन्दोलनरत शिक्षकहरूलाई वार्तामा बोलाएको छ ।
कार्यवाहक प्रधानमन्त्री प्रकाशमान सिंहको अगुवाइमा सिंहदरबारमा आज बसेको बैठकले शिक्षकलाई भोलि नै वार्तामा आउन आग्रह गर्ने र संसद्को आगामी अधिवेशनको पहिलो साताभित्रै विद्यालय शिक्षा विधेयक अघि बढाउने निर्णय गरेको हो ।
शिक्षामन्त्री विद्या भट्टराई र संसद्को शिक्षा समितिका सांसदहरूसमेतको बैठकले शिक्षकहरूका माग सम्बोधनमा गम्भीर हुने निर्णय गरेको हो ।
यद्यपी शिक्षकहरूले भने वार्ता गर्न अस्वीकार गर्दै आएका छन् । अध्यादेशबाट भए पनि ऐन ल्याउनुपर्ने शिक्षकहरूको माग छ ।
