काठमाडौं । पूर्वयुवराज पारस शाह अस्पताल भर्ना हुनुभएको छ। आइतबार हृदयघात भएपछि उहाँलाई थापाथलीस्थित नर्भिक अस्पताल भर्ना गरिएको थियो ।
पूर्वयुवराज पारसको स्वास्थ्य अवस्था स्थिर रहेको डाक्टर यादवदेव भट्टले जानकारी दिनुभएको छ । शाहको मुटुमा स्टेन्ट (मुटुको धमनीमा राखिने एक प्रकारको ट्युब) राखिएको छ । उहाँलाई एक-दुई दिन अस्पतालमै राखेर उपचार गरिने अस्पतालले जनाएको छ ।
पूर्वयुवराज पारसलाई हृदयघात भएको यो चौथो पटक हो ।
