काठमाडौं । आज नुवाकोटमा दुर्घटना भएको एयर डाइनेस्टीको हेलिकोप्टरका क्याप्टेनसहित ५ जनाको मृत्यु भएको छ ।
क्याप्टेन अरुण मल्लसहित ४ चिनियाँ नागरिकहरूको मृत्यु भएको छ । मृत्यु हुने चिनियाँ नागरिकहरु जुताड ताङ, ताइ ली, यीयाड वु र जेमिङ जी रहेका छन् ।
४ जना चिनियाँ नागरिक मध्ये ३ जना पुरुर र एक जना महिला रहेको प्रहरीले जनाएको छ ।
आज (बुधबार) नुवाकोटको शिवपुरी-७ को सूर्य चौरको डाँडामा ठोकिएर एयर डाइनेस्टीको 9A-A-JD हेलिकोप्टर दुर्घटना भएको थियो । हेलिकप्टर काठमाडौंबाट उडेको ३ मिनेटमै दुर्घटनामा परेको थियो ।
दुर्घटना भएको हेलिकोप्टरले चार जना चिनियाँ नागरिकलाई स्याफ्रुबेँसी छाडेर त्यहाँबाट विदेशी नै लिएर फर्कने तालिका थियो ।
