काठमाडौं । नुवाकोटमा दुर्घटना भएको हेलिकोप्टरमा सवार ५ जनाकै मृत्यु भएको छ । उक्त हेलिकोप्टरमा रहेका ४ जना चिनिया नागरिक मध्ये ३ जना पुरुर र एक जना महिला रहेको प्रहरीले जनाएको छ ।
आज नुवाकोटको शिवपुरी-७ को सूर्य चौरको डाँडामा ठोकिएर एयर डाइनेस्टीको 9A-A-JD हेलिकोप्टर दुर्घटना भएको थियो । हेलिकप्टर काठमाडौंबाट उडेको ३ मिनेटमै दुर्घटनामा परेको थियो ।
हेलिकप्टर क्याप्टेन अरुण मल्लले चलाएका थिए । उक्त हेलिकप्टरमा चार जना विदेशीलाई स्याफ्रुबेँसी छाडेर त्यहाँबाट विदेशी नै लिएर आउने तालिका थियो ।