मुगु । मुगुको सोरु गाउँपालिकामा जिप दुर्घटना हुँदा दुई जनाको मृत्यु भएको छ । चारजना घाइते भएका छन् ।
गमगढीबाट सोरु तारापानीतर्फ जाँदै गरेको कर्णाली प्रदेश ०२-००१-ज. ००५९ नम्बरको जिप सोरु गाउँपालिकास्थित कच्चे भन्ने स्थानमा बुधबार अपराह्न ४ बजेतिर दुर्घटना हुँदा सवारीचालक कविराज नेपाली र परिचय नखुलेकी एक महिलाको घटनास्थलमै मृत्यु भएको प्रमुख जिल्ला अधिकारी टोपेन्द्रबहादुर केसीले जानकारी दिए ।
उनका अनुसार घाइते चार जनाको जिल्ला अस्पताल मुगुमा उपचार भइरहेको छ । सडकबाट जिप एक सय मिटर तल खसेको छ ।