बझाङ । बझाङको सदरमुकाम चैनपुरको एक पसलमा आगलागी भएको छ । चैनपुर बजारमा रहेको चौराहा नजिकै रहेको दुई तले पक्की घरको भुइँ तलामा रहेको सर्जन थापाको सिलाई सेन्टरमा राति ११ बजे विद्युत् सर्ट भएर आगलागी भएको हो ।
आगलागीबाट पसलभित्र रहेका सम्पूर्ण सामानहरु पूर्णरुपमा जलेर नष्ट भएका छन् । जयपृथ्वी नगरपालिकाको दमकल, प्रहरी र स्थानीयको सहयोगमा राति नै आगो निभाइएको थियो । क्षतिको पूरा विवरण भने आउन भने बाँकी रहेको प्रहरीले जनाएको छ ।