इलाम । इलाम-२ को उपनिर्वाचनको मतगणना जारी छ । हालसम्म ४ हजार १ सय ५१ मत गणना गरिसकिएको छ । जसमध्ये ४४ मत बदर भएको छ । पछिल्लो मत परिणामअनुसार नेपाली कांग्रेसका उम्मेद्वार डम्बरबहादुर खड्काले अग्रता कायमै राख्नु भएको छ भने नेकपा एमालेका सुहाङ लिम्बुले खड्कासँगको अन्तर घटाउँदै लैजानु भएको छ ।
खड्काले १६ सय ५८ मत प्राप्त गर्नु भएको छ भने नेकपा एमालेका नेम्वाङले १६ सय ३० मत पाउनु भएको छ । यसैगरी, स्वतन्त्र उम्मेद्वार डेकेन्द्रसिंह थेगिमलाई ४ सय ३० मत प्राप्त भएको छ भने राष्ट्रिय स्वतन्त्र पार्टीका मिलन लिम्बूले ३ सय ८ मत पाउनु भएको छ ।
