नयाँ शैक्षिक सत्र शुरु भएको एक साता भइसकेको छ । विद्यालय तहको पाठ्यपुस्तक छपार्इको जिम्मा पाएको जनक शिक्षा सामग्री केन्द्रले ४ देखि १० कक्षासम्मका २८ लाख विद्यार्थीका लागि १ करोड ९८ लाख थान पाठ्यपुस्तक छपार्इ गर्नुपर्छ । तर केन्द्रले अहिलेसम्म १ करोड ६० लाख थान मात्र पुस्तक छापेको छ । अझ ५, ६ र ८ कक्षाको ३५ लाख थान पुस्तक त छापेकै छैन । छापिसकेको पुस्तकसमेत कुनै पनि जिल्लामा पुगेको छैन । निर्वाचनमा कर्मचारीहरु खट्नुपर्दा पुस्तक छपाइ र बितरणमा ढिलाइ भएको जिकीर गर्ने जनक शिक्षाले सोमबारदेखि बल्ल बिक्रीविरतण शुरु गरेको छ ।
सानो ठिमीसहित जनकशिक्षाका नौवटा डिपोमा पाठ्यपुस्तक बिक्रीवितरण र ढुवानी गर्न व्यवसायीको भिड लागेको छ । जनक शिक्षाले छापिसकेका पुस्तक पहाडमा ५ दिन, तरार्इमा दुर्इ दिन र हिमाली क्षेत्रका जिल्लामा १० दिनभित्र पुयाइसक्ने बताएको छ । पढार्इ शुरु भइसक्दा पनि विद्यार्थीले पुस्तक नपाउँदा शिक्षक–विद्यार्थीमा समस्या परेका छन् ।
निर्वाचनका लागि मतपत्रको छपार्इ, ठेकेदारले कागज आपूर्तिमा गरेको ढिलार्इलगायतका कारण ४० लाख अर्थात् २० प्रतिशत पाठ्यपुस्तक छपार्इमा ढिलार्इ भएको हो । बाँकी पुस्तकको छपार्इ तीव्र पारेर सबै विद्यार्थीको हातमा एक महिनाभित्र पुयार्इसक्ने दाबी केन्द्रको छ ।
विद्यार्थीको पढार्इ शुरु भैसक्दा पनि विभिन्न बाहनमा पाठ्यपुस्तक छपाइ र वितरणमा हुने ढिलार्इ स्वीकार्य मानिँदैन ।
