काठमाडौं । सरकारले आगामी बजेटमा सूचना प्रविधि क्षेत्रलाई प्राथमिकतामा राख्ने जनाएको छ ।
युवा पलायन रोक्न, देशभित्रै रोजगारी सिर्जना गर्न र स्वतन्त्र रुपमा सफ्टवेयर निर्यात गर्नसक्ने भएकाले सूचना प्रविधि क्षेत्रलाई सरकारले प्राथमिकतामा राखेको हो ।
सूचना प्रविधि क्षेत्रका अन्तर्राष्ट्रिय प्रतिनिधिसँगको आइतबार भएको भेटमा सञ्चार तथा सूचना प्रविधिमन्त्री रेखा शर्माले नेपालबाट गत आर्थिक वर्षमा मात्रै ६७ अर्ब बराबरको सफ्टवेयर निर्यात भएको बताउनुभयो ।
देशभित्रै रोजगारी सिर्जना गर्न र युवा पलायन रोक्न पनि सरकारले आगामी नीति तथा कार्यक्रम र बजेटमा सूचना प्रविधि क्षेत्रलाई प्राथमिकतामा राखेको सञ्चारमन्त्रीको भनाइ छ ।
मन्त्री शर्माले प्रविधि र प्रणालीहरुको सुरक्षित र जवाफदेही प्रयोगका लागि आवश्यक कानुन निर्माणलाई तीव्रता दिएको पनि जानकारी दिनुभयो । सूचना प्रविधि उद्योगमार्फत रोजगारी सिर्जनाका साथै अर्थतन्त्रलाई सुदृढ गर्नुपर्ने उहाँको भनाइ छ ।
