बर्दिया । बर्दियाको मधुवन नगरपालिकाको वेलवा चोक हुँदै भुरीगाउँतर्फ गइरहेको यात्रुबाहक भ्यानको ठक्करबाट एक जना साइकल यात्रुको मृत्यु भएको छ ।
भे १ ज १३८६ नम्बरको म्याजिक भ्यानको ठक्करबाट सोही ठाउका करिब ४० वर्षीय रामबहादुर थारु सिकिस्त घाइते भएका थिए ।
जिल्ला प्रहरी कार्यालय, बर्दियाका सूचना अधिकारी एवं डीएसपी तिलकराम अर्यालका अनुसार शुक्रबार भ्यानको ठक्करबाट सिकिस्त घाइते भएका थारुलाई उपचारका लागि नेपालगन्जस्थित शिक्षण अस्पतालमा उपचार गराउने क्रममा मृत्यु भएको जनाए ।
प्रहरीले भ्यान र चालक प्रतिक थारुलाई नियन्त्रणमा लिएको जनाएको छ ।
