गोरखा । गोरखाको धार्चे गाउँपालिका ७ को खानीगाउँ पहिरोको जोखिममा परेको छ । गाउँनजिकै मनि खोला आसपास पहिरो बढ्दै जाँदा खानीगाउँको बस्ती चर्किन र भासिन थालेको हो ।
केही दिनअघिको लगातारको वर्षापछि घरभित्रको जमिन चिरा परेर ३२ वटा घर बस्नै नहुने भएको हो । विस्थापित भएका मानिसहरु खानीगाउँमै विद्यालय र आफन्तको घरमा आश्रय लिएर बसेको स्थानीय बासिन्दाले जनाएका छन् ।
भूकम्पपछि नै भूस्खलन हुने र भासिने समस्याले जोखिममा रहेका खानीगाउँमा ८२ घर छन् । खानी गाउँ गैरीटोल र काफल टोलका घरहरुमा जमिन चिरा पर्ने र पहिरिने समस्या देखिएको छ ।