अंकारा । टर्कीमा भूकम्पको अर्को ठूलो परकम्प गएको छ । उक्त शक्तिशाली परकम्पले थप भौतिक संरचनाहरू क्षतिग्रस्त बनेका छन् ।
अन्तर्राष्ट्रिय समाचार संस्था रोयटर्सले बताएअनुसार टर्की र उत्तरी सिरियामा गरी अहिलेसम्म १४ सय जनाको ज्यान गएको छ भने हजारौँ घाइते छन् । पहिलेनै युद्धले रुग्ण बनेका सिरियाली सहरहरु यतिबेला भूकम्पले ध्वस्त बनेका छन् ।
सोमबार विहान भएको यस शक्तिशाली भूकम्पको धक्का सिरिया, लेबनान् र साइप्रसमासमेत महसुस गरिएको थियो । ७ दशमलव ८ म्याग्निच्युड मापन गरिएको उक्त भूकम्पबाट टर्कीका दर्जनभन्दा बढी सहरमा क्षति पुगेको छ ।
भूकम्पमा परेकाको खोजी तथा उद्धारको काम जारी छ । उद्धार, उपचार तथा राहतका लागि विभिन्न मुलुकहरू सहायताका लागि जुटेका छन् ।
सम्बन्धित समाचार...
