अंकारा । टर्की र उत्तरी सिरियामा भएको शक्तिशाली भूकम्पबाट ९ सयभन्दा बढी व्यक्तिको ज्यान गएको र ३ हजार बढि घाइते बनेको अन्तर्राष्ट्रिय विभिन्न मिडियाले जनाएका छन् । त्यस्तै हजारौँ आवासीय भवन तथा भौतिक संरचना क्ष्यतिग्रस्त बनेका छन् ।
भूकम्प सोमबार बिहान गएको हो र यसको धक्का सिरियाको राजधानी दमास्कस, लेबनानी सहर बेरुत र साइप्रसमा पनि महसुस गरिएको थियो ।
७ दशमलव ८ म्याग्निच्युडको उक्त भूकम्पले टर्कीमा मात्रै २ सय ८४ को मृत्यु भएको छ भने २ हजार ३ सय २३ व्यक्ति घाइते भएको टर्कीका उपराष्ट्रपति फुयात ओक्टेले जनाएका छन् । उनका अनुसार भूकम्पबाट टर्कीका १० वटा सहरमा क्षति पुगेको छ भने १७ सयभन्दा बढी भवन क्षतिग्रस्त भएका छन् ।
त्यस्तै, सिरियामा २ सय ३७ जनाको मृत्यु हुनाको साथै ६ सय ३९ जना घाइते भएको त्यहाँको स्वास्थ्य मन्त्रालयले जनाएको छ ।
भूकम्पमा परेकाको खोजी र उद्धार कार्य जारी रहेको अन्तर्राष्ट्रिय समाचार संस्था रोयटर्सले उल्लेख गरेको छ । लाखौं सिरियाली शरणार्थी बसोबास गर्दै आएको स्थानमा केन्द्रविन्दु बनाएर गएको यो भूकम्प टर्की र सिरिया क्षेत्रममा गएका १ सय वर्षयताकै ठूलो भएको बताइएको छ ।
हेरौँ थप तस्बिरहरू :
तस्बिर : रोयटर्स
सम्बन्धित समाचार...