काठमाडौं । नेपाली बजारमा आज सुनको मूल्य बढेको छ ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ५ सय रुपैयाँ बढेको छ ।
आज छापावाल सुनको मूल्य प्रतितोला एक लाख चार हजार ६ सय रुपैयाँ कायम गरिएको छ । अघिल्लो दिन आइतबार एकैपटक दुई हजार रुपैयाँ घटेर प्रतितोला एक लाख चार हजार एक सय रुपैयाँमा कारोबार भएको थियो ।
यस्तै, तेजाबी सुन प्रतितोला एक लाख चार हजार एक सय रुपैयाँमा कारोबार भइरहेको छ ।
आइतबार एक लाख तीन हजार ६ सय रुपैयाँमा किनबेच भएको थियो ।
आज चाँदीको मूल्य भने स्थिर छ । महासंघका अनुसार आज तोलाको एक हजार ३२० रुपैयाँमा कारोबार भइरहेको छ ।
अन्तर्राष्ट्रि बजार मूल्यको आधारमा महासंघले नेपालमा सुनचाँदीको मूल्य निर्धारण गर्ने गर्दछ ।
आज अन्तर्राष्ट्रिय बजारमा सुन प्रति औन्स एक हजार ८७५ अमेरिकी डलरमा कारोबार भइरहेको छ ।
