काठमाडौं । वर्ल्ड इकनमिक फोरम (डब्ल्यूईएफ) सम्मेलन अगाडि अरबी मुलुकका पदाधिकारीहरु इजरायल र हमासबीचको गाजा युद्धबारे छलफल गर्न साउदी अरबियाको सहर रियाधमा भेटेका छन् । साउदी अरेबियाका परराष्ट्रमन्त्री राजकुमार फैजल बिन फरहान अल साउदले प्यालेस्टाइन लिबरेसन अर्गनाइजेसनको कार्यकारी समितिका महासचिव हुसेन अल शेख र इजिप्टका परराष्ट्रमन्त्री समेह शुक्रीसहित अन्य पदाधिकारीहरु सँग इजरायल र हमासबीचको युद्धबारे छलफलका लागि भेटवार्ता गरेका हुन्।
स्थानीय सञ्चार माध्यमहरुका अनुसार अरबी शीर्ष पदाधिकारीहरु वर्ल्ड इकनमिक फोरम अगाडि गाजामा युद्ध विश्राम, बन्दीहरुको रिहाई र निरन्तर मानवीय सहायता लगायतका विषयमा केन्द्रित रहेका छन्। संयुक्त राष्ट्र संघ र प्यालेस्टिनी राष्ट्रिय प्राधिकरणका प्रतिनिधि सामेल हुने वर्ल्ड इकनमिक फोरमको भोलिको सत्रमा गाजा संकटबारे विशेष ब्रिफिङ गरिने छ। वर्ल्ड इकनमिक फरम रियाधमा आज प्रारम्भ हुँदैछ।