काठमाडौं । प्रधानमन्त्री पुष्पकमल दाहालसँग हमासको कब्जामा रहेका विपिन जोशीको परिवारले भेट गरेको छ । शुक्रबार बिहान प्रधानमन्त्री निवास बालुवाटारमा जोशीका बुवा आमासहित परिवारले भेट गरेको छ।
भेटमा जोशीको परिवारले विपिनको रिहाइका लागि थप पहल गरिदिन प्रधानमन्त्री दाहललाई ध्यानाकर्षण गराएको थियो ।
प्रधानमन्त्री दाहलले आफू विपिनको रिहाइका लागि चिन्तित रहेको र रिहाइका लागि निरन्तर पहल गरिरहेको बताउँदै छिटै सकारात्मक परिणाम आउनेमा आशावादी रहेको बताए ।
