हमासको नियन्त्रणमा रहेका विपिन जोशीको रिहाइका लागि पहल गर्न उनका आमाबुबाले सरकारसँग बारम्बार आग्रह गरिरहेका छन् । कतारका अमिर सेख तमिम बिन हमाद अल-थानी वैशाख दोस्रो साता नेपाल भ्रमणमा आउँदा सरकारले थप पहल गरे विपिन रिहा हुनसक्ने परिवारको विश्वास छ ।
हमाससँग कतारको राम्रो सम्बन्ध भएकाले नेपालले युद्धबन्दी जोशीलाई रिहा गराउन कूटनीतिक आग्रह गरेमा विपिन स्वदेश फर्किने परिवारको आशा छ । कञ्चनपुरका विपिन जोशी झन्डै सात महिनाअघि इजरायलबाट प्यालेस्टाइनी लडाकु समूह हमासको अपहरणमा परेका थिए । त्यसपछि उनको अवस्था अज्ञात छ ।
सरकारले जोशीको रिहाइका लागि पहल गरिरहेको जनाए पनि त्यो सफल हुन सकेको छैन । जोशीका परिवारजनले राष्ट्रपति रामचन्द्र पौडेल र प्रधानमन्त्री पुष्पकमल दाहाललाई भेटेर विपिनलाई सकुशल स्वदेश फिर्ता ल्याइदिन आग्रह गरेका छन् । प्रस्तुत छ- विपिनका आमा-बुबासँग सहकर्मी जितेन्द्र झाले गरेको कुराकानी ।
विस्तृत भिडियोमा :