काठमाडौं । मधेस प्रदेशमा लोकतान्त्रिक समाजवादी पार्टीले मुख्यमन्त्री सरोज कुमार यादवलाई दिएको समर्थन फिर्ता लिने निर्णय गरेको छ । समर्थन फिर्ता लिने निर्णय सँगै लोसपा सकारबाट पनि बाहिरिएको छ । मंगलबार लोसपाबाट मन्त्री बनेका वन तथा वातावरणमन्त्री रमेश प्रसाद कुर्मीले मन्त्री पदबाट राजीनामा दिएका छन् ।
कुर्मीको राजीनामापछि वन तथा वातावरण मन्त्रालयको जिम्मेवारी मुख्यमन्त्री यादव आफैँले लिएका छन् । लोसपाको संसदीय दलको बैठकले सरकारलाई दिएको समर्थन फिर्ता लिने र सरकारबाट बाहिरिने निर्णय गरेको हो ।