रौतहट । रौतहटको चन्द्रपुर-बागमती सडक खण्डमा आइतबार बसको ठक्करबाट एक दम्पतीको मृत्यु भएको छ ।
मे.१ख २५३६ नम्बरको बसको ठक्करबाट चन्द्रपुर १, पौराईका ५६ वर्षीय जगतबहादुर राई र उनकी पत्नी ५५ वर्षीया धनमाया राईको मृत्यु भएको इलाका प्रहरी कार्यालय चन्द्रनिगाहपुरले जनाएको छ ।
घटनापछि स्थानीय बासिन्दाले पूर्वपश्चिम राजमार्गमा सवारीसाधन आउजाउ ठप्प बनाएका छन् । पश्चिमबाट सर्लाहीतर्फ जाँदै गरेको बसले साइकलमा चढेर पूर्व जाँदै गरेको राई दम्पतीलाई ठक्कर दिएको थियो ।
बसको ठक्करबाट टाउकोमा गहिरो चोट लागेका राई दम्पतीलाई उपचारका लागि चन्द्रनिगाहपुर अस्पताल पुर्याइएको थियो । अस्पतालले दुवैलाई मृत घोषिणा गरेको थियो ।