तारकेश्वर नगरपालिका : सडकमा धराप, गेट बनाउन ५२ लाख (फोटो फिचर)

काठमाडौं । तारकेश्वर नगरपालिका-११, नेपालटार क्षेत्रको दुई सय मिटर सडक भत्काएर छोडेको एक वर्ष बित्यो । धर्मस्थ्ली र काभ्रेस्थली हुँदै नुवाकोट जाने मुख्य सडकमा ढलको पाइप हाल्ने भन्दै नगरपालिकाले भत्काएको सडक एक वर्षदेखि अलपत्र छ । ढलको ढकनसमेत नराखी यात्रुको जीवन नै जोखिममा पारेको छ । सडकभरि खुल्ला छोडिएका ढलमा परेर कुन बेला दुर्घटना हुने हो भनेर यात्रुहरु त्रासमा रहन्छन् ।

नेपालटार पुलदेखि डाँडागाउँसम्मको सडक भत्काएर छोडेपछि पानी पर्नासाथ हिलाम्मे हुन्छ भने पानी रोकिएपछि धुलाम्मे । मूल सडक बिजोग अवस्थामा छोडेर नगरपालिका भने त्यही सडकमा ५२ लाख बजेट खर्चिएर गेट बनाउन तम्सिएको छ ।

नागरिकको दैनिक र जनजीविकासँग जोडिएको मुख्य सडक अलपत्र छोडेर नेपालटार पुलमा गेट बनाउन ५२ लाखको ठेक्का लगाइएको छ । मौलिकता झल्किने प्रवेशद्वार भन्दै गत फागुन २४ मा नगरपालिकाको ४८ लाख २५ हजार र उपभोक्ता समितिबाट ५ लाख ९४ हजार समेत गरेर ५२ लाख २६ हजारमा गेट बनाउन ठेक्का लगाइएको हो ।

सडकजस्तो संवेदनशील संरचना बनाउन छोडेर गेटमा बजेट हालेको भन्दै स्थानीयले आक्रोश पोखेका छन् । अनावश्यक संरचनामा लगानी देखिएकाले नगरपालिकाको बजेट दुरुपयोग भएको र यसले भ्रष्टाचारको आशंका जन्माएको स्थानीयको आरोप छ । नगरपालिका प्रमुख कृष्णहरि मर्हजन र उपप्रमुख शृजना बुर्लाकोटी यसबारे मौन छन् ।

पुलको संरचना भत्काएर गेट बनाउँदै

गेट बनाउन लाग्ने लगात र निर्माण कम्पनी

गेट बनाउने स्थानमै एक वर्ष देखि भत्काएर छोडिएको सडक

सडकको बीच भागमा खुलै छोडिएको ढल